 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Нехта ў чорных бліскучых ботах
Чарнавую любіць работу:
Выдае на ўздыхі ён квоту
І дазвол на жыцьцё выдае.
Нехта ў чорных бліскучых ботах
Ціха выгукне: «Маць тваю,
рота!
Руш капаць мармуровыя доты!»
Нехта ў чорных бліскучых ботах
Аб’ектыўны загад аддае.
Нехта ў чорных бліскучых ботах
Любіць хрэнам намазваць шпроты
І, смакуючы, песьціць галоту:
«Ах, гаротнчікі ж вы мае!»
Нехта ў чорных бліскучых ботах,
За маркотных дужа маркотны,
Вас разьлічыць на кожны чацьверты.
Нехта ў чорных бліскучых ботах
Сярод пляцу сьлязу змахне.
Нехта ў чорных бліскучых ботах
Напіваецца дрэні да рвоты,
Ненавідзіць марскія курорты,
На рачныя – дык проста плюе.
Нехта ў чорых бліскучых ботах –
Не зялёным, ня сінім, ня жоўтым –
Заўтра чорнаю ваксаю ўпотай
Нехта ў чорных бліскучых ботах
Афарбуе боты твае!
XI.1992
|
|
|
|
Падабаецца
Не падабаецца
|
|
|
2009–2019. Беларусь, Менск.
|
|
|
